Con esta meta, o Centro traballa para mellorar o acceso aos seus fondos a través das ferramentas que ofrecen as novas tecnoloxías (web, publicacións electrónicas, dixitalización, ampla difusión de recursos…) e a xeración de proxectos para dar visibilidade aos nosos fondos, testemuño directo do noso patrimonio escénico e musical.

Na actualidade, Javier de Dios é o director do CDAEM.

O CDAEM nace como resultado da integración do Centro de Documentación Teatral e o Centro de Documentación de Música e Danza, ambos os dous pertencentes ao INAEM.

Para falar das orixes do Centro de Documentación de Música e Danza (CDMYD), haise que remontar á creación, en 1978, do Centro Nacional de Documentación Musical, cuxo primeiro director foi Antonio Iglesias.

En 1985, con Jacinto Torres á fronte —e baixo o nome de Centro de Documentación Musical— pasa a formar parte da Secretaría de Estado de Cultura, a través do INAEM. En 1991, Antonio Álvarez Cañibano comeza a dirixir o centro que, cinco años despois, pasa a denominarse Centro de Documentación de Música e Danza, ao incorporar a sección de Danza.
Durante esta etapa, os seus traballos céntranse na creación dunha serie de bases de datos, entre as que destacan Recursos musicais en España, Estreas de música en España, Recursos da danza, BIME ou Bibliografía Musical Española, etc.
A través delas, o CDMYD elabora documentos secundarios, como índices, repertorios ou catálogos, que facilitan o acceso dos usuarios aos seus fondos.

O CDMYD tamén contribuíu á recuperación patrimonial de fontes para o estudo da música española, con libros como a edición facsímile do Diccionario de efemérides de Baltasar Saldoni, a Historia de la Música en España ou o Manuscrito Novena, así como numerosas publicacións en colaboración con outras entidades. O CDMYD colaborou con frecuencia con importantes institucións dentro do campo da información e a documentación musical, tanto de ámbito nacional, como AEDOM (Asociación Española de Documentación Musical), como internacional, como membro da IAMIC (International Association of Music Information Centres) e da IAML (International Association of Music Libraries).

Entre as súas publicacións, destacan El Quijote y la Música, La música en tiempos de la Constitución de Cádiz, os anuarios “Pasos”, rexistros da actividade da Danza en España, ou as monografías Mapa del patrimonio musical en España, Mapa del patrimonio de danza en España ou Colecciones españolas de instrumentos musicales.

O CDMYD organizou exposicións, ou colaborou na súa organización, en diversas cidades españolas e estranxeiras, entre as que cabe sinalar “Actualidade do libro de música en España”, “50 anos da Orquestra Nacional de España”, “Óscar Esplá e a música do seu tempo”, “Imaxes para a lírica. O teatro musical español a través da estampa”, “Vicente Escudero, imaxe dun legado” e “Ritmo para o espazo”, entre outras. A xestión dos legados depositados no centro é outra das tarefas do CDMYD.

Desde o ano 2002, o CDMYD xestiona a Axencia Española do ISMN (International Standard Music Number). O ISMN é o número internacional que identifica de xeito unívoco as publicacións de música notada, sexa para a súa venda, aluguer ou difusión gratuíta, sexa para os efectos de dereitos de autor.

Esta base contén os preto de 24 000 rexistros bibliográficos das publicacións con música notada editadas en España desde 2002.